«Жүрегім қазақ»
Осындай атаумен аудандық мәдениет үйінің қызметкері онлайн концерт өткізді
Талантты жас әнші Абай Сейдахметовтың жеке шығармашылық кеші 25 мамырда culture_sarykol инстаграмм парақшасы арқылы тікелей эфирден көрсетілді.
Айта кетейік, бұл – мәдениет үйінің қолдауымен «Біз біргеміз» акциясы аясында «Үйде болыңыз» хештегімен жарияланды.
Концерт «Ассалаумагалейкум» әнімен басталып, ауыл жайлы, қазақ туралы бірнеше патриоттық туындыларға ұласты.
25 мамыр – соңғы қоңырау күнінің құрметіне «Ұстаз» жайында ән шырқалды. Сондай-ақ, қазақтың қара домбырасынан күйлер күмбірледі.
«Қаным да қазақ, жаным да қазақ, арым да қазақ, бар әлем танысын» – деп жүректі елжірете ән салған Абай Сейдахметке «өзіңді де бар әлем танысын» деп тілек білдіреміз!
Еліміз аман, жұртымыз тыныш болып, ел алдына шығып ән салатын, сағынышпен қауышатын күн тусын дейміз!
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31