Жұма күнгі сауапты іс
«Қайырымды жұма. Тегін такси»
Осындай жазуларды көліктерінің терезесіне іліп алған мешіт жамағаты қасиетті жұма күні адамдарды баратын жеріне тегін жеткізеді.
Бұл сауапты іс өткен қасиетті жұмада екінші рет ұйымдастырылды. Оны «Аққозы қажы» мешітінің бас имамы бастап, мешіт жамағаты қостады.
– Бұл тегін такси Қостанай облысы бойынша жасалып жатқан акция. Аудан мешіттерінің бәрі жасап жатыр. Біз де өз үлесімізді қосайық деген ниет қой. Осымен Сарыкөлде екінші рет жасалып жатқан шара енді әр жұма сайын ұйымдастырылатын болады. Өткенде 12 машина шықты. Бұл іске белсенді атсалысып жатқанқандардың бәрі мешіт жамағаты, өңірдің қайырымды жігіттері, – дейді Нұрбол қажы Балахметов.
Негізгі мақсат – халықтың арасында қайырымдылықты, мейірімділікті насихаттау. Алла ризалығы үшін, сауап үшін қызмет жасау. Яғни, мешітке келе жатқан кісілер болса, жолда кетіп бара жатқан адамдар болса соларды баратын жеріне тегін жеткізіп салу.
Қайырымдылыққа жаны құмар жандардың қатысуымен өткізіліп жатқан шараға қатысушыларға Алла жолындағы істеріне сәттілік тілеп, сауаптарыңыз еселене берсін дейміз!
Руслан ӘЛКЕЕВ
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31