Тәгілдіктермен кездесті

«Аққозы қажы» мешітінің бас имамы Нұрбол қажы Балахметовтың екінші сапары Тәгіл ауылдық округіне жалғасты.

Кездесу барысында Нұрбол қажы Исламұлы тәгілдік ақсақалдармен танысып, ислам діні, ата-баба дәстүрі, имандылық жайында уағыз-насихат айтты. Сонымен қатар, «Қабдеш ата» мешітінің жанындағы медрессені асқанаға айналдыру турасында сөз етті. Бұдан бөлек, баспасөз туралы сөз қозғап, «Мұнара» газеті мен «Иман» журналына жазылуға шақырды.

Айта кеткен жөн, бас имаммен өткен бас қосуға Тәгіл ауылының әкімі Сағынбай Сүндеталин де арнайы қатысты.