Сарыкөлдік еңбек адамының енбегі еленіп, ҚР Президентінің «Құрмет» грамотасымен марапатталды

Сарыкөл ауданы Тәгіл ауылдық округі Ермаковка ауылының тұрғыны, еңбек адамы ағаштан түйін түйіп, тоқыма тоқыған ерлі-зайыпты Токаревтар отбасын тәгілдіктер түгел таниды десек қателеспейміз.

Хас шеберлерді таныстырған да, жұп етіп жарастырған да – өнер. Олар кезінде безендіруші, суретші мамандығында оқыған. Екеуі сол оқу орында танысып, тағдыр қосқан.

Владимир Токарев шіріген ағаштан шедевр жасайтын шебер. Ең қызығы, Владимир Токарев бірдеңе жасау үшін материал іздеп бас ауыртпайды. Аулада, көшеде жатқан кез келген ағашты кәдеге жарата біледі. Кейде пешке жағатын отынның арасынан да табады. Арнайы сапар барысында әдемі тағам салуға арналған ыдысты көзіміз шалып қалды. Ағаш шебері оның да тарихын бізге айтып берді.

-Электриктер бағандағы сымдарға тиіп тұрған соң көршімнің қара ағашын кесіп тастады. Оны көрген мен соның бұтағын өңдеп, қырып-жоңып, балауызбен зығыр майын жағып, осындай жақсы бір дүние жасадым, – деп қызықты естелігімен бөлісті ол.

Ал, зайыбы Олияның да он саусағынан өнер тамады. Кесте тоқып, күйеуі жасаған дүниелерді безендіріп, кесілген ағаштың қалдықтарынан ойыншықтар жасайды. Жасаған дүниелері көздің жауын алады, көпшіліктің көңілінен шығып жүр. Бұйымдардың денін сыйға береді, сатып аламын дегендердің де қолын қақпайды.

-Бірде күйеуім кескен тақтайшалардан көп ұсақ бөлшектер қалды. Мен олардан кішкентай үйшіктер жасадым. Ол туындым немерелеріме өте қатты ұнады, – дейді Олия Токарева.

Қол өнерді серік еткен жандар мұнымен ғана шектелмейді. Ауылда шағын шаруа қожалығын дөңгелетіп, жан бағып отыр. Яғни, мал өсірумен айналысады. Табыс көзі де сол.

Руслан ӘЛКЕЕВ
Суреттерді түсірген автор
Материалды толығырақ «Сарыкөл» газетінің №5 санынан оқи аласыздар.

Редактор

Recent Posts

Сарыкөл ауданында “Жанашыр бол” ҚҚ өкілі жеке қабылдау өткізді

31 наурызда Сарыкөл ауданының көмек алаңы кеңсесінде «Жанашыр бол» қоғамдық қорының өкілі Жасгүл Тоғжанова пробация…

3 дня ago

Интервью с акимом Сарыкольского района Шымырбековым Маратом Лесбековичем: образование как фундамент будущего

Образование – это ключ к будущему. Без качественного образования невозможно построить сильное общество и конкурентоспособную…

5 дней ago

Бүгін Сарыкөл кентінде көптен күткен спорт кешені ашылды

«Сұңқар» дене-шынықтыру кешенінің ашылу салтанаты – Ұлыстың ұлы күніне тарту болды (далее…)

2 недели ago

Первый этап Кубка Федерации шахмат Костанайской области прошел в Сарыкольском районе

Соревнования были приурочены к двум важнейшим датам: 190-летию со дня рождения великого казахского мыслителя, этнографа…

4 недели ago

Сарыкөл ауданы — жастар мен мамандар үшін жаңа мүмкіндіктер мекені

Бұл туралы аудан әкімі Марат Шымырбеков бізбен сұхбатында баяндады (далее…)

1 месяц ago

This website uses cookies.