Сарыкөлдік еңбек адамы ҚР Ауыл шаруашылығы министрлігінің Құрмет грамотасымен марапатталды
Дала еңбеккерлерінің еңбегі еленуде
29 қыркүйекте «Мақатов Қ.Қ» шаруа қожалығының комбайншысы Юрий Мыскив Ауыл шаруашылығы саласын дамытуға қосқан үлесі үшін ҚР Ауыл шаруашылығы министрлігінің Құрмет грамотасымен марапатталды.
Абыройлы еңбек етіп жүрген Юрий Борисовичті аудан басшысы Марат Шымырбеков ауа райының қолайсыздығына қарамастан егіс даласына арнайы барып, құттықтап, оған мәртебелі марапатты өз қолымен табыстап қайтты.
-Ел Президенті еңбек адамын ұдайы ұлықтап, олардың қоғамдағы орнын насихаттау қажет екенін әрдайым айтып келеді. Бұл – барша ауыл еңбеккерлеріне көрсетілген үлкен құрмет деп білемін. Құрметті Юрий Борисович, сізді бүгінгі марапаттыңызбен шын жүректен құттықтай отырып, деніңізге саулық, еңбегіңізге табыс, отбасыңызға амандық тілеймін, – деді Марат Лесбекұлы өз құттықтауында.
Мәртебелі марапатқа ие болып, мерейі тасыған Юрий Борисовичтің жалпы еңбек өтілі – 33 жыл, оның соңғы 16 жылын аталмыш шаруа қожалығында адал еңбекпен өткізіп келеді.
Руслан ӘЛКЕЕВ
Суреттерді түсірген автор
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31