Сарыкөл ауданының әкімі Златоуст ауылдық округіне барды

3 қазан күні аудан әкімі Амантай Балғарин Златоуст ауылдық округіне жұмыс сапарымен барды.

Онда аяқталуға жақын қалған су құбыры желісінің бүгінгі тынысымен, жұмыстың орындалу барысымен танысты.

Бұған республикалық және облыстық бюджеттен 648,5 млн. теңге бөлінген. Жобаны қаржыландыруға 2018 жылы 500 млн.теңге, ал, ағымдағы жылы 148,5 млн.теңге қарастырылған.

Бұл жұмыспен 20 жылдық тәжірибесі бар мердігер компания «Инвест» ЖШС айналысуда. Оның директоры Қадір Сегізбаевтың айтуынша, бұл жерде жұмыс басталғаннан бері 27 шақырым құбыр төселген. 500 текше метрлік 2 резеруар орнатылған. Насос станциясы, КПП салынып, аумақ қоршалған. Ток өткізілген.

Жалпы, негізгі жұмыстар аяқталып, тек ұсақ-түйектері қалған.

– Қалған жұмыстарды да сапалы орындап, нысанды межелі уақытқа дейін тапсырыңыздар. Істеріңізге сәттілік тілеймін, – деді өңір басшысы Амантай Кәкімбекұлы өз сөзінде.

Руслан ӘЛКЕЕВ