Главные новости Сарыкольского района – Qostanai Media

31 наурызда Сарыкөл ауданының көмек алаңы кеңсесінде «Жанашыр бол» қоғамдық қорының өкілі Жасгүл Тоғжанова пробация есебінде тұрған сотталған азаматтарды жеке қабылдап, толғандырған сұрақтарына жауап берді.

Пробация қызметі тек жазаларды орындаумен ғана емес, пробациялық бақылауда жүрген сотталғанның жаза өтеу барысында қайта қылмыс жасауының алдын алу және оған әлеуметтік – құқықтық көмек көрсете отырып, оған қатысты бақылауды жүзеге асыруды көздейді. Егер де сотталғанның құқықтық ,әлеуметтік , тұрмыстық қажеттілігі орындалса, сотталғанның да заңға деген көзқарасы өзгеріп, мінез құлқы жақсы жағына қалыптасуына оң нәтеже беретіні сөзсіз.

Осыған орай, қылмыс жасаған адамдар тарапынан қылмыстың қайталануын ескертуге жұмылдырылған құқықтық саясатты қалыптастыру және ұйымдастыру пробация қызметінің ең басты мақсаты болып табылады.

Сарыкөл ауданында пробациялық бақылауда тұрған 11 адам қабылдауға қатысты.

Келгендер нотариалдық қолтаңбаны қалай алу керек, қайда жүгіну керек, жұмысқа орналасу кезінде не қажет, қай жерден жұмысқа тұруға болады деген сұрақтар қызықтырды. Сондай-ақ олар алимент бойынша қарыздар мен несиелерді жабу туралы сұрақтар қойды.

Сонымен қатар, Жасгүл Тоғжанова қоғамдық қорға хабарласу арқылы пробациядағы азаматтар кейбір мәселелерді шешіп, кеңес ала алатынын баса айтты.

Жалпы, бұл Сарыкөл ауданы әкімдігінің «Жұмыспен қамту және әлеуметтік бағдарламалар бөлімі» мемлекеттік мекемесінің тапсырысы бойынша «Сарыкөл ауданы бойынша бас бостандығынан айыру орындарынан босатылған және пробация қызметінің есебінде тұрған азаматтарды әлеуметтендіру және оңалту шеңберінде жұмысты ұйымдастыру» жобасы аясында жүзеге асырылды.

Руслан ӘЛКЕЕВ
Суреттерді түсірген автор