Облыс әкімі Сарыкөл ауданындағы негізгі нысандарды аралап, даму жобаларымен танысты

1 қазанда Қостанай облысының әкімі Құмар Ақсақалов Сарыкөл ауданына жұмыс сапары барысында әлеуметтік нысандардың, инвестициялық жобалардың, тұрғын үй құрылысы мен спорт инфрақұрылымының іске асырылу барысымен танысты.

Жұмыс сапарының алғашқы нысаны Маяк ауылындағы фельдшерлік-акушерлік пункт болды. Мұнда құрылыс жұмыстары толық аяқталған.

«Фельдшерлік-акушерлік пункт ауылға өте қажет. Сондықтан, осы бағытты басты назарда ұстап, жыл сайын жалғастыру керек», – деді Қостанай облысының әкімі Құмар Ақсақалов.

Одан кейін облыс әкімі «Жаналипов» шаруа қожалығының аумағында ауданның агроөнеркәсіптік әлеуетімен танысты. Ауыл шаруашылығы тауарын өндірушілермен кездесуде саланың қазіргі жағдайы, қол жеткізілген нәтижелер мен алдағы міндеттер талқыланды.

Сондай-ақ Құмар Ақсақалов «MEL-FARMAGRO» ЖШС жүзеге асырып жатқан инвестициялық жобаның барысын көрді. Жоба аясында асыл тұқымды «Абердин-Ангус» ірі қара малын өсіруге арналған мал шаруашылығы базасы салынуда. Инвестиция көлемі – 1,5 млрд теңге, жоба аясында 22 жаңа жұмыс орны ашылады.

Аудандық мәдениет үйінде тұрғындармен кездесу өтіп, Сарыкөл ауданының 2026 жылғы 8 айдағы әлеуметтік-экономикалық даму қорытындылары таныстырылды. Тұрғындар өздерін толғандырған мәселелер бойынша сұрақтарын қойды.

Жұмыс сапары барысында облыс әкімі Сарыкөл кентіндегі әрқайсысы 16 пәтерден тұратын екі көппәтерлі тұрғын үйдің құрылысымен де танысты.

Сапардың соңғы нысаны – «СарыкөлДорСтрой» ЖШС жүзеге асырып жатқан шаңғы-велосипед базасы. Жобаның құны – 75 млн теңге. Нысан ауданның спорттық инфрақұрылымын дамытуға және тұрғындардың белсенді демалысына мүмкіндік жасауға бағытталған.

Жұмыс сапары қорытындысы бойынша ауданның негізгі даму бағыттары сараланып, әлеуметтік-экономикалық жобаларды сапалы әрі уақтылы іске асыруға қатысты алдағы міндеттер белгіленді.

Руслан Әлкеев
Суреттерді түсірген автор

admin

Recent Posts

Сельхозтоваропроизводители Сарыкольского района оказывают поддержку в обновлении социально значимых объектов

Об этом аким Сарыкольского района Марат Шымырбеков рассказал и поблагодарил бизнесменов во время аппаратного совещания…

2 недели ago

Бүгінгі Жолдау – ел дамуының маңызды бағыты

Сарыкөл ауданының Ардагерлер кеңесінің төрағасы ретінде ел дамуына бағытталған осы міндеттерді қолдаймын. (далее…)

3 недели ago

Сарыкөл ауданының әкімі жастарға кітап сыйлады

«Кітап оқитын ұлт» идеясы аясында жас ұрпаққа туған өлкенің тарихын танытуға бағытталған игі бастама жүзеге…

3 недели ago

Школа в селе Урожайное, что в Сарыкольском районе, неновая, но… удивительная

Смотрится она так, словно её только что «одели в новые одежды». (далее…)

3 недели ago

«Решение есть»: жители Сарыкольского района получили консультации в рамках «Каравана правовой помощи»

В Костанайской области продолжается реализация принципа «Заң мен тәртіп» («Закон и порядок»), направленного на укрепление…

1 месяц ago

This website uses cookies.