Енді «Аққозы қажы» аудандық орталық мешітіне Асылхан қажы Түсіпбек басшылық етеді
Жаңа имамды ауданымызға арнайы жұмыс сапарымен келген Қостанай облыстық мешітінің наиб имамы Бақытжан қажы Икрам жұма намазынан кейін жамағатқа таныстырды.
– Міне, ҚМДБ-ның төрағасы, бас Муфтиі Наурызбай қажы Тағанұлының бұйрығымен Асылхан қажы Түсіпбек Сарыкөл аудандық «Аққозы қажы» мешітіне бас имам болып тағайындалып отыр. Өздеріңіз білетіндей, Асылхан қажы Мұханбетжанұлы бұрын облыстың бас имамы болды. Соңғы жұмыс орыны Тобыл қалалық «Маңдай батыр» мешітінің бас имамы қызметін атқарды. Жалпы, ол білімді де білікті маман, жергілікті жұртшылықпен бірлескен түрде қоян-қолтық еңбек етеріне сенемін. Ал, осы жерде бүгінге дейін бас имам қызметін атқарған Нұрбол қажы Исламұлына да алғысымызды айтып, жаңа жұмысына сәттілік тілеймін. Алла әр ісімізге береке берсін, – деді Бақытжан қажы Икрамұлы.
Айта кеткен жөн, Нұрбол қажы Балахметов Сарыкөл ауданында туп-тура екі жыл имамдық қызмет атқарды. Әрі қарай осы жолын Тобыл қалалық «Маңдай батыр» мешітінде жалғастыратын болады.
Мешітке жиналған жамағат жаңа имамға сәттілік тілеп, ал Нұрбол қажыға ақ алғыстарын айтып, ауданның діни өмірінде оң өзгерістер болғанын атап өтті. Сонымен қатар, қос имамға лайықты сый-құрмет жасап, дастархан жайып, ақсақалдар ақ батасын берді.
Руслан ӘЛКЕЕВ
В этом убедились златоустцы, когда на дороге районного значения появилась специальная техника, ровняющая ухабистое дорожное…
Удивительное время года весна. Едва сошёл снег с полей и растаял лёд на водоёмах, а…
Олар спорттық жаттығу жасаудан сынға түсті (далее…)
Бұл "Таза Қазақстан" республикалық экологиялық акциясы аясында ұйымдастырылды. (далее…)
На территории Костанайской области в районе п.Севастополь Сарыкольского района с 18:15 часов 23 апреля 2024…
This website uses cookies.