«Пай-пай, қазақтың келіндері-ай!»

Бүгін осындай атаумен Сарыкөл аудандық мәдениет үйінде өңірлік байқау өтті.

Яғни, ұрпақ жалғастырушысы, әулеттің ырысы, құт-берекесі, ұлт болашағының ұйытқысы – келіндер сынға түсті. Олардың бәрі де бір-бір үйдің «Үздік келіні» деген атаққа лайық жандар екенін айта кеткен жөн.

Сайыс таныстыру, көрме, шығармашылық туынды және салт-дәстүр секілді кезеңдерден тұрды.

Нәтижесінде, 1-орынды Маяк ауылынан келген Гүлнар Танибаева жеңіп алса, 2-орынды Тәгіл ауылдық округінен арнайы қатысқан Роза Ерденова еншілеп, ал 3-орынды Веселоподол ауылының атынан шыққан Әлия Күзембаева місе тұтты.

Жүлдегерлер мен қатысушылар осы байқауды ұйымдастыруға мұрындық болған аудандық мәдениет және тілдерді дамыту бөлімі тарапынан мадақтама қағаздары және ақшалай сыйлықтармен марапатталды.