Елімізде маусымның əр үшінші жексенбісі – медицина қызметкерлерінің күні
Бүгінгі таңда аудан бойынша өте танымал және құрметті дәрігер Ғайни Шойынтайқызы отыз бес жылдан астам уақыт бойы акушер-гинеколог болып жұмыс істеуде.
Бір қызығы, осы уақыт ішінде мыңдаған келіншекке ана бақытын сыйлап, осынша баланың кіндік шешесі атанған. Қарағанды медициналық институтын бітірген ол Тәгіл ауылынан еңбек жолын бастаған.
Аудандық орталық ауруханасының ең тәжірибелі, ең жоғары санатты дәрігерінің бірі Ғайни Шойынтайқызы өзінің өте жауапты, ең асыл кәсібіне адал болып келеді. Кәсібилікпен қатар адами қасиеттерді де алдынғы орынға қояды. Ол өз ісінің маманы ретінде талай мәрте лауазымды марапаттарға ие болды.
-Тоқсаныншы жылдары, жарық болмаған қиын кездері аналарды керосин шамымен босандырдық. Бұл сала күш-қайратты, асқан жауапкершілікті талап етеді. Сонымен қатар, ең қажетті мамандық дер едім, себебі дүниеге сәбидің келуіне себепші болады. Акушер – анаға қуаныш сыйлап, сәбидің кіндігін кесіп, жарқын болашағына алғашқы тілек айтатын маман. Одан бөлек біздің жанымызда бізге көмектесетін мамандар болады, – дейді ол.
Бүгінде жастарға үлгі болып, оларды еңбекке баулып, үйретуден еш жалықпайтын ол «елдің ыстық ықыласы, ақ алғысы жұмысқа деген жауапкершілікті, қызығушылықты одан сайын арттырады” – дейді.
-Шыны керек, бала шыр етіп, жарық дүние есігін ашқан сәтте бойыңды қуаныш кернейді. Адамнан адам шығу оңай емес. Әрбір ана тар құрсағын кеңейтіп, бала шыққан сәтте қиналады. Бала босанған соң алғыстарын жаудырып жатады. Шынымды айтсам, сол сәтте ананың, баланың көзіне қарасаң, үлкен сенім мен ризашылықты, қуанышты байқайсың. Өзіңді ең бақытты адам сезінесің. Біз ондай сәтте анасына да, баласына да «Бәрекелді, жарайсың!» деп айтамыз. Әсіресе бала шыр етіп дауысы шыққанда өмірге тағы бір адам келді деп ерекше қуанасың, – дейді тәжірибелі дәрігер Ғайни Өтенова.
Статистикаға сүйенсек, өткен жылы аудан бойынша 160-қа жуық сәби дүниеге келсе, соның ішінде үшеуі егіздер. Босанған келіншектердің ең жасы 16-да, ал ең үлкені – 45 жаста. Жетінші баласын босанған аналар да бар.
Жалпы, медицина саласының мамандары қандай мəртебеге, марапатқа болсын əбден лайық. Соған сəйкес құрмет көрсету – əрбіріміздің азаматтық борышымыз.
Руслан ӘЛКЕЕВ
В Сарыкольском районе состоялось общественное слушание по реализации социального проекта «Организация работы по ресоциализации и…
Юбилей, объединивший культуру и память. (далее…)
Всего в субботнике было задействовано порядка 80 человек. (далее…)
Участников коалиции поздравил исполнительный секретарь филиала партии «AMANAT» Бақытжан Жантемір. (далее…)
Аким района проверил объекты противопаводковой инфраструктуры в селах Севастополь, Тагильское, Крыловка и поселке Сарыколь. (далее…)
Бүгінгі ауқымды мерекелік іс-шара жоғары деңгейде ұйымдастырылып, аудан тұрғындары мен қонақтарына ерекше көңіл-күй сыйлады (далее…)
This website uses cookies.