Халықты қабылдайтын кеңсе ашылды

Сарыкөл ауданы әкімдігінің кіреберісінде халықты қабылдайтын кеңсе ашылды.

Оған аудан әкімінің басшысы Данияр Шәріпбаев, мемлекеттік қызметтің ардагерлері, мекеме басшылары және әкім аппаратының қызметкерлері қатысты.

Бұл Президент тапсырмасына орай жүзеге асырылып отыр.

Яғни, Қасым-Жомарт Тоқаев Қазақстан халқына арнаған «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауында «Халық үніне құлақ асатын мемелкет» тұжырымдамасын іске асыру – ортақ міндетіміз, азаматтардың барлық сындарлы өтініш-тілектерін жедел әрі тиімді қарастыратын осы тұжырымдаманы жүзеге асыруды тапсырған болатын.

Жалпы, бұл кеңседе азаматтарды қабылдау үшін, олармен жұмыс жасау ыңғайлы болу үшін барлық жағдай жасалған.

Руслан ӘЛКЕЕВ