Денсаулық сақтау саласы – әлеуметтік саланың негізгі бағыттарының бірі
Мемлекет басшысы Қасым-Жомарт Кемелұлы Тоқаев Қазақстан халқына Жолдауында атап өткендей, «Ұлт денсаулығы — еліміздің басты байлығы».
Осыған байланысты «Ауылда денсаулық сақтауды жаңғырту» ұлттық жобасы аясында нақты тапсырмалар беріліп, бүгінде бұл бастама еліміздің барлық өңірлерінде іске асырылуда. Сарыкөл ауданындағы Сорочин ауылдық округіне қарасты Крылов ауылында жаңа медпунктің ашылуы соның бір айғағы.
Осы айтулы күні жиналғандарды аудан әкімі Марат Шымырбеков құттықтап, әр отбасының керегесі кең, шаңырағы биік, уығы берік болуын тіледі.
-Ауыл тұрғындарының ауылдан тыс жерлерге шықпай-ақ, заманауи талаптарға сай, қолайлы жағдайда сапалы алғашқы медициналық көмек алуына мүмкіндік жасалуы — біз үшін аса маңызды.
Жаңа нысан құтты болсын! Ауылдан, үйлеріңізден береке мен бірлік арылмасын! Еліміздің тыныштығы мен тұрақтылығы нығая берсін, – деді Марат Лесбекұлы.
Сонымен қатар, ауыл ақсақалы Құдабек Ескендіров бата беріп, аудандық ардагерлер ұйымының төрағасы Солдат Дүтпаев екеуі жаңа нысанның лентасын қиды.
Айта кетейік, Крылов ауылында салынған жаңа медициналық пункттің жалпы құны 240 миллион теңгеден астам қаржыны құрайды. Оның жалпы аумағы – 220 шаршы метр. Құрылыс барысында барлық инженерлік желілер тартылып, медициналық қызмет көрсетуге қажетті жағдайлар толық қамтамасыз етілген. Мұнда қызметтік, процедуралық, екпе, гинекологиялық, ақпараттық, дәрі-дәрмек сақтайтын кабинеттері заманауи жабдықтармен және жиһаздармен жарақтандырылған. Тұрақты түрде екі медбике, бір санитар және үш от жағушы жұмыспен қамтылды.
Руслан ӘЛКЕЕВ
Бүгінгі ауқымды мерекелік іс-шара жоғары деңгейде ұйымдастырылып, аудан тұрғындары мен қонақтарына ерекше көңіл-күй сыйлады (далее…)
Сила традиций и дух соревнований: асық ату и бес асық объединяют молодежь (далее…)
Н.Дәулетова атындағы аудандық кітапханада Наурыз мейрамына орай «Көже party» атты мерекелік іс-шара ұйымдастырылды. (далее…)
Спортсмены, неся надежду своих районов, подошли к турниру с всесторонней подготовкой. (далее…)
101-летняя жительница Сарыколя Августа Дубровец сделала свой выбор на Общенациональном референдуме по принятию новой Конституции…
Жастар азаматтық белсенділігін көрсетті. (далее…)
This website uses cookies.