Н.Дәулетова атындағы аудандық кітапханада Наурыз мейрамына орай «Көже party» атты мерекелік іс-шара ұйымдастырылды.
Мерекелік шараға кітапхана оқырмандары, ауыл тұрғындары, жастар мен ардагерлер қатысып, Ұлыстың ұлы күнін бірге атап өтті.
Кітапхана ұжымы келген қонақтарға мерекелік көңіл-күй сыйлап, ұлттық дәстүрді дәріптеуге бағытталған тағылымды іс-шара өткізді.
Кітапхана ауласында арнайы наурыз көже мен бауырсақ пісірілді. Самаурынға шәй қойылып, таза ауада кең дастархан жайылды.
Жиналған қауым ұлттық тағамдардан дәм татып, бір-біріне ақжарма тілектерін айтып, Наурыз мерекесінің шынайы атмосферасын сезінді.
Іс-шараға аудан әкімінің орынбасары Болат Қарбанов пен аудандық ардагерлер ұйымының төрағасы Солдат Дүтпаев қатысып, жиналған жұртшылықты Ұлыстың ұлы күнімен құттықтады. Олар өз сөздерінде Наурыз мейрамының халқымыздың береке-бірлігін нығайтып, татулық пен ынтымақты арттыратын ерекше мереке екенін атап өтті.
Сонымен қатар шара барысында ұлттық дәстүрлер туралы әңгімелер айтылып, қатысушылар арасында жылы әңгіме өрбіді. Мұндай кездесулер жастардың ұлттық мәдениетке деген қызығушылығын арттырып, үлкен мен кішінің арасындағы сабақтастықты нығайтуға септігін тигізеді.
Осындай мазмұнды әрі тағылымды шаралар арқылы кітапхана ұжымы ұлттық құндылықтарды насихаттап, оқырмандарға рухани орта қалыптастыруды жалғастыра бермек.
Руслан ӘЛКЕЕВ
Суреттерді түсірген автор
1 қазанда Қостанай облысының әкімі Құмар Ақсақалов Сарыкөл ауданына жұмыс сапары барысында әлеуметтік нысандардың, инвестициялық…
Правовая помощь и спорт: шаги к уверенности в себе. (далее…)
Аким Сарыкольского района Марат Шымырбеков встретился с юными робототехниками Ксенией Чиханцовой и Егором Костериным, которые…
Аудан үмітін ақтаған үздіктер құрметке бөленді. (далее…)
В Сарыкольском районе 60 единиц тракторов и комбайнов нового образца участвуют в нынешней уборочной страде…
Бүгін Сарыкөл ауданының әкімі Марат Шымырбеков Қазақстан Республикасының жаңа Конституциясына сәйкес құрылған Құрылтай сайлауына қатысты.…
This website uses cookies.