Главные новости Сарыкольского района – Qostanai Media

Ұстаз атану, білім беру қарап отырсақ оңай жұмыс емес.

Дегенмен, бүл күнде бұл мамандықты қалап, осы жолда жемісті еңбек етіп жүрген жастар баршылық. Олар да кезінде өздерін оқытқан ұстаздарына ұқсап, жұмыстарына кірісіп бала тәрбиелеп, білмейтінін үйретіп, бір жылды артқа тастады.

Міне, осындай мұғалімнің бірі – Альбина Нурлабекова. Қостанай педагогикалық университетін тәмамдаған Альбина, еңбек жолын Сарыкөл ауданында Өмірзақ Сұлтанғазин орта мектебінде 2019 жылы тамыз айында бастады. Альбина, жұмыспен қоса дойбы, шахмат ойынымен айналысады. Шахмат ойынынан жүлделі орындары бар. Сонымен қатар Альбина, республикалық жас мамандар олимпиадасында үздік нәтижесі үшін «Үздік жас маман» төсбелгісінің иегері атанды. – Үздік жас маман олимпиадасын Казтест ұйымдастырды.

Олимпиада тест жүзінде өтті, жоғары ұпай жинап, 1-ші орын алған жүлдегерлерге төс белгі берілді, – дейді жас маман. Атап айтар болсақ, Альбина секілді болашағынан зор үміт күттірер жас мамандардың ауылды жерлерге келіп, әр салада еңбек етуі – ауыл өмірінің гүлденуінің жарқын кепілі боларына сенімдіміз.