Сарыкөл ауданында «Береке» халал дүкені қайырымдылық акциясын жалғастыруда

Шара барысында зейнеткерлерге тегін нан үлестіріледі.

Яғни, қыркүйек айынан бері әр аптаның жұмасында жүзеге асырылады.

– Тұрақты тұтынушылар бар. Зейнеткерлер өздері келеді, өзгелерді де ертіп келеді. Тіпті, ауылдың шеткі көшелерінен де келіп, алады. Кейбіреулер звондап сұраса, ал енді біреулер нөмірлерін қалдырып жатады, – дейді сатушы Гүлмира Сұлтангазенова.

Қайырымдылық ісімен айналысып жатқан қайырымды жандар қанша бөлке нан үлестіргендерін санамайды екен. Бірақ, біз сұрауымыз бойынша, өткен аптада жұман күні таңертең сағат 10.00-ге дейін 15 нан үлестіріпті.

Бүгінде бұл дүкенге зейнеткерлерден бөлек, кәдімгі тұтынушылар да көптеп келуде. Олардың да өз пікірі бар.

– Жақсы дүкен, бәрін өзің таңдап аласың. Бағасы да қолдетімді. Мәселен, бұрыш 90 теңге, пияз 68 теңге, сұрыпталған қызыл картоп 75 теңгеден сатылуда, – дейді тұрақты тұтынушылар.

Руслан ӘЛКЕЕВ