Сарыкөл ауданында Жастар күніне арналған мереке өтті

Айтулы мерекемен аудан әкімінің орынбасары Әлия Бекмағамбетова құттықтады

-Бүгінгі күні бізге жас, дені сау, жоғары білімді және белсенді тұлғалар қажет. Сондықтан, біз,  жастарға нық сенеміз.

Сіздердің алдыңызда аға ұрпақтың үздік дәстүрлерін жалғастыру және дамыту, бейбітшілік пен тұрақтылықты сақтау, туған өлкені одан әрі өркендету міндеті тұр, -деді ол.

Бұдан кейін мереке де қыза түсті. Ел болашақтары бір қуанып, бір серпіліп қалды.

Айталық, оған жастар ресурстік орталығы үлес қосты. Байқау ұйымдастырды. Сыйлықтар арасында колонкалар, құлаққаптар және pawer bank ойнатылды. Бас жүлде иегерлері– Тамара Прохвацкая, Илья Кудрин және Влад Крывшичатанды.

Дәл осы күні арман мен мақсатқа бет бұрған бастамшыл жігерлі жастардың басы қосылып, балақайлар да ата-аналарымен бірге келіп,  әдемі кештің куәсі болды.

Сондай-ақ, жиналғандар көбік кеші мен бояу жағу фестивалін тамашалап, оған өздері де қатысып, ерекше әсер алды.