12 тамыз – халықаралық жастар күніБұл күн 2001 жылдан бері тойланып келеді. Осыған орай аудан орталығы Сарыкөл кентінде Жастар күні кең көлемде аталып өтті.
Әкімдіктің қолдауымен, жастар ресурстік орталығының ұйымдастыруымен өткен мерекелік кеште аудан әкімінің орынбасары Әлия Бекмағамбетова құттықтау сөз сөйлеп, жылы лебізін білдірді.
-Жастар елдің ертеңі, болашақтың бастауы, мемлекетімізді дамытушы қозғашуы күші. Бүгінде ауданымыздан шыққан жастар қоғамның барлық саласында белсенді жұмыс істеп жүр. Олар үнемі ізгі істің басында жүреді, мәдени-патриоттық шараларда қашанда алдыңғы қатардан табылады. Өскін ұрпақтың ұлағатты істері біздің мақтаныш сезімімізді оятады, – деп атап өтті Әлия Молдабайқызы.
Аудан жастарының мерекелік кешін танымал жүргізуші Жалғасбек Шөкенов жүргізсе, ал қонақ ретінде келген «BRO» дуэті, әнші Юлия Галич сарыкөлдіктерге әсем әннен шашу шашты. Сондай-ақ, DJ AKHAN әуезді музыкамен әрлесе, ал «Алтын Дала» бишілер ұжымы сахнаны бимен көмкеріп, өз өнерлерін ортаға салды.
Иә, жастар қашан да, қай ғасыр болмасын елдің ертеңі саналады. Сондықтан жас буынның өнерлі де өренді, талапты да талантты болғаны абзал. Еліміз дамудың даңғыл жолына түсіп, жаңа кезеңге бет түзеген тұста жастар мемлекеттегі басты қозғаушы күшке айналуы тиіс. Жас буын ортақ мүддеге ұйысып, тың бас¬тамалар мен шешімдерді жүзеге асыруда мемлекеттің сенімді тірегіне айналуы қажет. Бұл ретте жаңашыл жастарға айрықша қолдау білдіру үлкен маңызға ие екенін атап өткен жөн. Ал, аталмыш кеште сегіз қырлы бір сырлы, ауданның жалындаған жастары сахна төрінде би билеп, жарысты. Барлық қатысушылар жастар ресурстік орталығының сыйлықтарына ие болды. Сонымен қатар, жиналған жастар мен балалар көтеріңкі көңіл-күйге бөленіп, үстілеріне түрлі-түсті бояуларды шашып, мерекенің сәнін кіргізді.
Жалпы, мерекелік кеште жастардың өзі сияқты жалынды да көңілді ән мен биге толы өтті. Оның соңы би кешіне ұласты. Концертке жиылған жұрт тамаша көңіл күйге бөленіп тарқасты.
-Мен «BRO» дуэтіне кезінде дауыс бергенмін. Ол балалардың өнері маған қатты ұнайды. Бүгін олардың Сарыкөлге келетінін естіп, өнерін тамашалауға арнайы келдім. Бүгінгі кеш маған қатты ұнады, – дейді ауыл тұрғыны Зүлқия Валиева.
Руслан ӘЛКЕЕВ
На днях в Сарыкольском районе прошла встреча с условно осуждёнными гражданами в рамках проекта по…
Дала еңбеккерлерінің еңбегі еленуде (далее…)
Посевная страда прошла успешно, зерновые, зернобобовые, масличные и крупяные были посеяны вовремя с внесением минеральных…
В статусе «Действует» (далее…)
Жоба аясында ауқымды жұмыстар атқарылуда (далее…)
Аудан бойынша құрылыс жұмыстары қарқынды жүріп жатыр (далее…)
This website uses cookies.