Главные новости Сарыкольского района – Qostanai Media

Аудандық ауыл шаруашылық бөлімінің мәліметінше, 18 тамыздағы жағдай бойынша 16,6 мың гектар алқаптың дәнді және бұршақ дақылдары орылды

Бүгінгі таңда 240,4 мың гектар алқап арамшөптерге химиялық өңдеу, 46,4 мың гектар алқапта буларды тазарту, 59,7 мың гектар алқапта зиянкестерге қарсы химиялық өңдеу және 30,3 мың гектар алқапқа ауруларға қарсы химиялық өңдеу жүргізілді.

Ағымдағы жылы 1 634 тонна элиталық тұқым және 1 репродукция алу жоспарымен барлығы 3,632 тонна сатып алынды. Оның ішінде 2,500 тонна элиталық тұқым және 1 132 тонна 1 репродукция. Сорттық жаңару пайызы 10,0% құрады.

Айта кету керек, ауданда минералды тыңайтқыштарды сатып алу және қолдану көлемі жыл сайын артып келеді. 2016 жылы – 128 тонна, 2017 жылы – 473,1 тонна, 2018 жылы – 1087 тонна, 2019 жылы – 3960 тонна тыңайтқыштар. Ал, биыл аудандық ауылшаруашылық кәсіпорны минералды тыңайтқыштарды 6632 тонна сатып алды (2019 жылмен салыстырғанда 1,6 есе өскен), 9 065 тонна көлеміне келісімшарттар жасалды.

Дала жұмыстарын жүргізу үшін осы жылы ауданның 20 шаруа қожалығы жалпы сомасы 160,7 млн. теңгеге қаржыландырылды. Есепті кезеңде аудан шаруашылықтары: 17 трактор, 6 тұқым себу кешені, 11 комбайн сатып алды. Ағымдағы жылы ауданда ауыл шаруашылығы техникаларын жаңарту пайызы 6% құрады, жоспар 4% құрады.

Жалпы, ауданда егін жинау науқанына 572 дана комбайн қатысады, оның ішінде 121 бірліктің өнімділігі жоғары. 550 трактор, 205 ору орағы, 150 жүк көлігі, 785 трактор тіркемесі және басқа да жабдықтар бар.

Олай болса, ауа райы қолайлы болып, аудан дихандарына жиын-терімді шашпай-төкпей жинап алуларын тілейміз!