Сарыкөл аудандық пробация бөлімінде пробация қызметінің есебінде тұрған азаматтармен жеке кездесу өтті.
Іс-шараның мақсаты – бостандыққа шыққаннан кейін әлеуметтік бейімделу процесінен өтіп жүрген азаматтарға құқықтық көмек көрсету және олардың құқықтық сауаттылығын арттыру болды.
Кездесу барысында қатысушылар күнделікті өмірде жиі кездесетін мәселелерді талқылады. Солардың ішінде ең өзекті тақырыптардың бірі – сот шешімі бойынша берешек толық өтелсе де, атқарушылық іс жүргізудің тоқтатылмауы мәселесі болды.
Кей жағдайларда азамат өз міндеттемелерін толық орындағанымен — қарызын өтеп, келтірілген залалды жойып, сот шешімін орындаса да, АІС ОІЖ (атқарушылық істер органдарының автоматтандырылған ақпараттық жүйесі) базасында борышкер ретінде көрсетіле береді. Бұл адамның толыққанды өмір сүруіне — жұмысқа орналасуына, құжат рәсімдеуіне және мемлекеттік бағдарламаларға қатысуына кедергі келтіреді. Нәтижесінде, оның құқықтары шектеулі болып қалады.
Бұл мәселе бойынша түсіндірме жұмыстарын «Жанашыр бол» қоғамдық қорының заңгері Жасгүл Тоғжанова жүргізді. Оның айтуынша, қарызды өтеу — тек алғашқы қадам.
– Азамат барлық міндеттемелерін орындағаннан кейін атқарушылық істі тоқтатуды талап етуге құқылы. Егер сот орындаушысы тиісті әрекет жасамаса, азамат оның іс-әрекетіне немесе әрекетсіздігіне шағымды бақылау органына немесе сотқа бере алады, – дейді заңгер.
Сонымен қатар қатысушыларға барлық төлем құжаттарын — түбіртектерді, чектерді, қолхаттарды сақтау маңыздылығы ескертілді. Бұл құжаттар сот шешімінің толық орындалғанын дәлелдейді.
Пробация қызметінің мамандары мұндай кездесулер азаматтарды қоғамға бейімдеудің маңызды бөлігі екенін атап өтті. Бұл іс-шаралар тек құқықтық көмек көрсету ғана емес, сонымен бірге бұрынғы қателіктерді қайталамауға және өз құқықтарын қорғауға мүмкіндік береді.
Кездесуден кейін қатысушылар арасында спорттық жарыс ұйымдастырылды. Барлық қатысушылар белсенділік танытып, түрлі спорттық ойындарға қатысып, естелік сыйлықтармен марапатталды. Мұндай шаралар олардың қоғаммен байланысын нығайтып, өмірге деген сенімін арттыра түседі.
Материал «Сотталғандар мен пробация қызметінің есебінде тұрған азаматтарды әлеуметтік бейімдеу және қайта әлеуметтендіру іс-шараларын ұйымдастыру» жобасы аясында Сарыкөл ауданы әкімдігінің «Жұмыспен қамту және әлеуметтік бағдарламалар бөлімі» мемлекеттік мекемесінің тапсырысы бойынша дайындалды
Тамирис Айтен, Суретті түсірген автор
Она была организованная Молодежным ресурсным центром совместно с волонтерами школы-гимназии имени С.Баймагамбетова. (далее…)
Аталған шараның басты мақсаты – жастарды жаңа Конституция жобасымен және конституциялық реформаның негізгі бағыттарымен таныстыру,…
18 ақпанда Сарыкөл кентіне Жалпыұлттық коалиция мүшелері, Қазақстан Республикасы Парламенті Мәжілісінің депутаттары Берік Бейсенғалиев пен…
На базе местной общеобразовательной школы прошел традиционный турнир по волейболу среди девушек 2010 года рождения…
Мимо его творений пройти спокойно невозможно. Они словно живые… (далее…)
В зимний период снегопады значительно осложняют передвижение пожилых людей и создают опасность при выходе из…
This website uses cookies.