Главные новости Сарыкольского района – Qostanai Media

4 сәуірде осындай атаумен аудандық мәдениет үйінде онлайн-концерт өтті
Бұл шара sar_dom_2020 инстаграмм желісінің тікелей эфирі арқылы көрсетілді.

300-ге жуық желі қолданушылары тамашалап, лүпілмен өз пікірлерін білдіріп жатты. Әсіресе, «Жарайсыздар!», «Алға, Сарыкөл!», «Қазақтың күйіне не жетсін!» және «Жалғасын таба берсін!» дегендей жүрекжарды лебіздер жазылды.

Бірлікке шақырып, үйде отыруға үндеген шараға жас та болса, сахнаның хас саңлақтары – Абай Сейдахметов, Нағашыбай Ыбырай, Алтынбек Төлегенов, Дамир Сагалов және Карима Рекенова сияқты өнерпаздар қатысып, концерттің көркін қыздырды. Шегіне жеткізе ән шырқап, күмбірлете күй тартты.

Сонымен қатар, онлайн-концертке аудандық тілдерді оқыту орталығының басшысы Нұрмұхамед Серікбаев, колледж директорының тәрбие-ісінің орынбасары Юлия Дандыбаева және «Сарыкөл» газетінің редакторы Руслан Әлкеевтер өз үлестерін қосты.

Айта кеткен жөн, бұл шараны аудандық мәдениет үйі ұйымдастырды.

-Бүгінгі шара жоспарларымыздың бастамасы. Алдағы уақытта осындай онлайн концерттеріміз жалғасын таба береді. Еліміздің басына қиын жағдай түскенде құр қарап отырмай, бір пайдамызды тигізіп, халықтың көңілін көтеріп, бірлікке, үйде отырып, онлайн концерт тыңдауға шақырғымыз келді, – дейді директор Гүлнара Каскова.

Жалпы, аудандық мәдениет үйінің жоғарыдағы парақшасына кіріп, басқа да шараларын тамашалауларыңызға болады.

Біздің де оқырмандарға, сарыкөлдіктерге айтарымыз: #bizbirgemiz, #Үйде отырыңыз!